ملکہ زینت محل

بیگ راج صاحب 

بیک راج کے قلم سے 

ایک یہ بھی ملکہ تھیں۔

♥️اپنے دور کی خوبصورت ترین ملکہ

آخری مغل تاجدار مرزا ابو ظفربہادر شاہ کی بیوہ۔

♥️نواب زینت محل کی عمر ابھی 34 

ملکہ زینت محل

برس تھی جب شاہ ہندوستان کو جلا وطن کیا گیا۔جواں سال بیٹے جواں بخت مرزا کو تو انگریزوں نے قتل کردیا تھا،ننھا پوتا بچ گیا تھا۔ایک ملازمہ تھی۔یہ تھی کل سلطنت۔ملکہ کو مشورہ دیا گیا کہ بوڑھے بادشاہ کے ساتھ رنگون (کالا پانی) جانے سے بہتر ہے یہاں رہ جاؤ۔جواب تھا،

"جینا مرنا بادشاہ حضور کیساتھ"۔

♥️رنگون کے قید خانے میں مغل شاہی خاندان کیساتھ جو سلوک کیا گیا وہ دنیا کے کسی شاہی خاندان کیساتھ نہیں ہوا۔10برس اس تنگ و تاریک گیراج میں گزارے۔حسن جوانی سب ملال میں ملیا میٹ ہوگئے۔اپنے سامنے اپنے پوتے کو دم توڑتے دیکھا۔انگریز کمشنر ڈیوس نے دوائی تک پہنچنے نہیں دی۔اپنے بادشاہ حضور کیلئے تازہ ہوا کی خاطر سفاک داروغے سے منت سماجت کرتی رہیں۔87 برس کی عمر میں بروز جمعہ ،7نومبر1862 صبح پانچ بجے ہندوستان کے بادشاہ کو گمنام قبر میں اتارا گیا۔اکیلی ♥️ملکہ لاش کے پاس بیٹھی آنسوئوں کے موتی بکھیر رہی تھیں۔انگریز سپاہیوں نے ملکہ کو دھکے دے کر لاش اٹھائی اور جلدی جلدی دفنا کر قبر میں چونا ڈال دیا گیا۔انگریز کمشنر کے بقول 

محمڈن رول کی آخری نشانی بھی مٹ گئی۔فرمان جاری ہوا کہ بادشاہ کا کوئی رشتہ دار وارث ہونے کا دعویدار نہیں ہوگا۔حالانکہ ورثا زندہ تھے۔ مغل بادشاہ کے بیس بیٹے تھے،دو شہزادے جان بچانے میں کامیاب رہے تھے۔بعض شہزادے جیلوں میں بھی ڈالے گئے۔ جو دہلی میں قتل ہونے سے بچ نکلے وہ برما اور ہندوستان کی سرزمین  میں روپوش ہوگئے۔

♥️بادشاہ کے ساتھ وفا نبھانے کیلئے رنگون میں ہجرت کر کے آنے والے مغل شاہی خاندان کے لوگ اپنی دکھیاری ملکہ کو اپنے پاس لے گئے۔جو روکھی سوکھی کھاتے،پہلے ملکہ کو پیش کرتے، عزت و تکریم سے پیش آتے۔لیکن غم کیسے کم ہوتا۔ بیوہ ملکہ مرحوم بادشاہ کی حالت کو یاد کرتیں،خود گریہ کرتیں  اور شاہی خاندان کی عورتیں بھی آہیں بھرتیں۔اسی عالم حزن میں 63 برس کی عمر میں وفات پائی۔برما کے مسلمانوں نے ملکہ کو بھی بادشاہ حضور کے پہلو میں دفنا دیا۔بعد ازاں چندہ جمع کرکے درگاہ بنا دی گئی۔

♥️آغاز بھی وفا،انجام بھی وفا

کہتے ہیں کہ اس درگاہ پر ہر وقت قرآن کی تلاوت ہوتی رہتی ہے۔بادشاہ حضور اور ملکہ زینت محل کی مغفرت کی دعائیں مانگی جاتی ہیں۔

مغل ملکہ کیساتھ یہ سلوک برطانوی ملکہ وکٹوریہ کے دور میں ہوا۔ برطانوی ملکہ اور مغل ملکہ دونوں کی شادی 1840ء میں ہوئی تھی۔ملکہ وکٹوریہ شاہی کروفر کیساتھ وہ زیورات پہنتی تھیں جو ملکہ زینت محل کو شادی کے وقت بادشاہ سلامت نے تحفے میں دئے تھے۔ جنہیں 1857ء میں لال قلعہ کی لوٹ مار کے دوران انگریز فوجیوں نے ملکہ زینت محل سے چھینا تھا۔یہ نادر زروجواہرات ملکہ الزبتھ دوئم بھی پہنتی رہیں۔وہ کوہ نور ہیرا اپنے تاج میں سجاتی تھیں۔ملکہ کی ذاتی ملکیت میں مغل خاندان سے لوٹی ہوئی دولت بھی شامل ہے۔

♥️ملکہ الزبتھ کو سرکاری طور پر یاد رکھا جائے گا لیکن ملکہ زینت محل کروڑوں لوگوں کے دلوں میں بغیر شاہی پروٹوکول کے زندہ رہیں گی۔

بیگ راج

Turkic mongol